الخميس، 16 أبريل، 2009

تهييس ..حالة من التهييس ..

قد أكون فى حالة من حالات الكآبة التى تراودنى من حين الى آخر هذا العام تحديدا ..
قد تكون صورة المستقبل أمامى ضبابية ولاملامح لها ..
هذه حياتى فعلا ..يومين من السعاده ..والحمد لله تكون سعادة مطلقة ..ثلاثة أسابيع من الاكتئاب ..وخمسة أيام من تبلد الحس ..وهكذا ..تمضى الحياة ..المشكلة اننى أوقفت مخى عن التفكير تماما ..لم يعد يفكر الا فى شئ واحد ..لن يحدث ..الا اذا قدر الله تعالى ذلك ..وماذلك عليه بعزيز...
.
فترة مرت على ..لا أريد أن أفتح النت ..الفايرفوكس بايظ ..ومابيفتحش يوتيوب ..خنيقة الحركة دى ..مش كده ..هو بيفتح الصفحة بس مابيشتغلش ..
والماسنجر بايظ برضه ..ومش عايزة أعمل فرمتة ولا أنزل ويندوز جديد ..كآبة بقى

بكره الكلية ..والمنغوليزم اللى فيها ..بجد مابطيقهاش ..والله اليوم اللى ببقى رايحاه فيها ويعنى هه مبسوطة شوية يوم الخميس عشان دكتور القضايا الفقهية ..غير كده بكره نفسى وبكره الدكاترة ..وكل واحد منهجة 300 صفحة وعايزنى أحفظهم ..وأدلقهم فى الورقة ان شاء الله ..

أنا حافظة القرآن الحمد لله بس عندى مراجعة 21 جزء فى أسبوعين بس ..أقطع نفسى ..معرفش ..كفاية على سورة الروم وسبأ ..هحفظهم ازاى ؟؟

هذه الحالة من الهشاشة النفسية أدت بى الى السقوط فى متاهة تذكر من رحل ..أبى رحمه الله ..كل الذين ذهبوا ولم أرهم ..

ادعولى ..بالشفا ..
..

الاثنين، 13 أبريل، 2009

زفرات ..

ماذا بعد ؟؟؟
ما الذى سيحدث فى المستقبل ..
أقولها لنفسى ..بعد ان ضاقت بى الدنيا ..
ادعولى ..بشدة ..


الثلاثاء، 7 أبريل، 2009

جلسة 2020 الأخيرة ..

رد محسن ..
ياعماد ماينفعش تتجنى على اخوانك اكتر من كده ..
خلاص طفح الكيل ..
ردت مريم أخيرا بعد سكوت طويل ..
دقايق من وقتك الله يكرمك مش هطول يعنى ..
ايه معنى ان احنا اسلاميين وبنعمل حاجة منافية للاسلام ..معلش ده مش اسمه تمشى مع الواقع ..
دا اتباع للهوى ..والهوى وحسب ..
زمان ..لما الامام قرر ينشئ الدعوه ..عملها لأمة مكانش فيها حد بيرفع لا اله الا الله صح ..
ما تفكرش ان كوننا فى الجماعه دى ميزة واحنا ربنا مفضلنا بيها ..
دى مسئوولية ..ربنا أكرمنا ان احنا رفعنا بيها رايته سبحانه وتعالى ..
صدقنى ...العبادة ..مفيش دعوه بتنطلق الا وليها فى المحراب أصل ..وصلة ..
مش احنا اللى العبادة دى حاجة تقيلة قوى على نفوسنا ..
وأوامر ربنا لحكمة أخلاقية واحنا الحمد لله متمتعين بأخلاقهنا قوى ..فمش لازم ..
لأ ..مايبقاش فينا خير ساعتها ..
عارفين لو استمرينا بالوضع ده ربنا هيعمل فينا ايه ..
هيستبدلنا ..
تخيلوا أما نيجى لربنا يوم القيامة واحنا ناس مستبدلين ..الملايكة عارفه ان احنا مالناش لازمة ..
ما بننفعش فى حاجة ..
هنبقى فرحانين ..بالسينمات وفيروز والزمن الجميل ..ولا هنبقى
"أن تقول نفس يا حسرتى على ما فرطت فى جنب الله "
طولت يا استاذ محسن أنا عارفه ..
بس الى أن تقتنعوا بهذا الكلام ..
أنا وعماد هنفضل ملتزمين بالدعوه ..بس ماعدناش هنبقى هنا ..مش هنجلس فى جلسة ربنا مش راضى على عبادها ..
وانتوا اختاروا ..والطريق مفتوح ..
.......................................