الجمعة، 7 ديسمبر، 2007

الفرح ............وما بعده

الأسبوع الماضى فى مثل هذااليوم كان الفرح ...

يعنى اليوم ده كنت طول النهار فى الشارع ..

مابين الكوافير والبيت يمكن 3 مرات ..

وفى الآخر رحت النادى مواصلات مع بيرو العسوله ..طبعا كان لازم أروح الأول عشان أرتب كل حاجه ..

أخت العروسه يعنى ..

وترتيب كل حاجه يعنى ..

الدى جى

الكتيبات التى ستوزع ..عند النساء فقط

استقبال الحاضرات

جالى كساح يومها وأنا عماله أدور من حته لحته

أول الحاجات اللى تشل هى الدى جى

حد يشغل فى فرح ضمينى ضمه وطلع البدر علينا ؟؟

نزلت للراجل قال لى تسخين بس

الستات اللى كل واحده عايوه تاخد عشر كتب

واستقبال الناس يعنى اتفضلى حضرتك هنا

بصراحه كانت فى مجموعه فى قمة البهرجه مش عايزه أقول التبرج رأيت الأسى فى أعينهن لما قلت النساء هنا والرجال هناك


يللا خير ...

ثم تأتى المهمه الأصعب منع الرجال من دخول القاعه ...

بصراحه والحق يقال كان الرجال على درجه من الالتزام الا قله قليله ..

واحد قليل الذوق قلتله انه يخرج من القاعه بست طرق مختلفه

الأولى ممكن حضرتك

التانيه حضرتك التالته ممكن ..آخر مره قلتله أنا بقوللك اطلع بره دلوقتى..وطلع طبعا

الفرح فى المجمل كان رااااااااائع

فى آخر الفرح لما أتى العريس لكى يأخذ أختى ..

جلست وبكيت الحمد لله ان النقاب منع الجميع من رؤية دموعى حينها ..

فى اليوم التالى ذهبت الى المكتبه لشراء كتيبات جديده لأمل

للناس اللى هتزورها يعنى

وجدت المكتبه مغلقه ..

طبيعى

أمل ليست معى

ذهبت الى مكتبه أخرى ثم ذهبنا اليها فى المساء

بصراحه أحسست أنى افتقدتها بشده حينها

وخلال هذا الأسبوع كنت كمن يلعب على الحبل بين الكليه والبيت وبيت امل والمذاكره

ماما طيلة هذا الأسبوع وهى تعدد مآثر أموله كانت وكانت

وأنا كالسيده عائشه مع الفارق ..

ماتذكرين من ........

المهم ادعو لى فى وحدتى هذه ...ربنا يفرج عنى وييسر أمرى

طولت عليكم معلش ..دى نفثات واحده مخنوقه

هناك 9 تعليقات:

عصفور المدينة يقول...

على البركة واليمن

وبلغيها لا تنسانا وتعود سريعا إلى عالمنا الافتراضي


على فكرة أنا حضرت الفرح

يقين النصر يقول...

الله يكرمك يا أستاذى
أنا علمت ان حضرتك حضرت الفرح ونورتنا فيه ..
وان شاء الله أبلغها ذلك ..

فزلوكة يقول...

يقين النصر
أول مرة أدخل المدونة ماشاء الله جميلة ربنا يباركلك فيها
يعنى الأخت بتحس بقيمة أختها لما تسيبلها البيت
خلاص أنا مستنية يا أختى تسيب البيت ...........يا أنا
ربنا يقويقى على البعد إللى بينكوا إللى واضح من كلامك إنوا مش بعد أوى
بتهيألى على طول عندها
زهراء

وضـّاح يقول...

ألف مبروك

والله أسعدتيني بهذا الخبر جدا

ربنا يكرمها ويباركلها

ترجع بالسلامة إن شاء الله

أعجبتني فكرة الكتيبات .. نقوم بعملها في أفراح عائلتنا نحن أيضا

جزاكم الله خيرا
ورزقك بالزوج الصالح والذرية الصالحة
وسلامنا ودعواتنا لأختنا أمل

tamooh يقول...

بارك الله لهما وبارك عليهما

وجمع بينهما فى خير

------------

تفتكرى فعلا هيحسوا بقيمة الواحد كده
لما يسيب البيت
أشك
وأشك كثيرا

لكن المهم انتى ازيك دلوقتى! ! !

other_things يقول...

تعبير جاء ليأخذ أختي
أنا قلت أكيد بعده
قلتله لأ مانتش واخدها دي بتاعتي
..
بارك الله لها ولكم وفيها وفيكم
..

بنت أبيها يقول...

الف مبرووووك

بارك الله لهما وبارك عليهما وجمع بينهما فى خير


يلا عقبالك كده يا قمر

كل سنة وانتى طيبة

يقين النصر يقول...

الاخوة الكرام ..
وضاح ..بلال ..جزاكم الله خيرا
على فكره أنا قلتله دى بتاعتى بس بعدين ..
الغاليات ..طموح ..فزلوكه ..
بنت أبيها ..
بكرة تعرفوا الوحده بتعمل فى الواحد ايه ؟؟
نورتونى

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘