الثلاثاء، 9 سبتمبر 2008

علاج فعال ...أنا بحب ..



أمر هذه الأيام بحالة اكتئاب بشعه ...
عارفه انها هتعدى ان شاء الله ...
وكعلاج ليا قلت أفتكر كده الحاجات اللى أنا بحبها ...
الأشخاص اللى بحبهم ..
البرامج اللى بحبها ..
لأنى لو معملتش كده ممكن أتشل من الكآبه فعلا ...
وانتو مش ذنبكوا تكتئبو معايا ...
نبدأ بالأشخاص ....
بحب الرسول صلى الله عليه وآله وسلم ...
بحب الصحابة كلهم طبعا ...بس بحب سيدنا عثمان قوى ...
بحب الامام الحسين جدا ...
بحب الامام زين العابدين بن الحسين جدا ..
عندى ولع خاص بشخصية السيدة زينب بنت على بن أبى طالب ..
بحب السيدة عائشة جدا ...
بحب ماما قوى ...بحسها حاجة كده فوق الخيال ...أنا عارفه انها مش هتقرأ الكلام ده ...
بحب اخواتى طبعا
أبلة أمل حاجة كده زى ماما ..الناس ال..واو
ايمان أختى حنينة قوى وطيبة وابنها ده أحلى حاجة فى الدنيا ..
...وبحب محمد أخويا قوى ...النهاردة معملش معايا فيلم يا أخى قم للصلاة زى كل يوم فضل صاحى لغاية ما أذن الفجر نزل صلى من غير كفاح ..
بحب نفسى جدا ...لا تعليق ..
بحب صحباتى المقربات قوى ...نورا ونسيبة وشيماء ..
نورا ممكن أبقى عايزة أقول حاجة تعرفها من غير ما أتكلم ...
نسيبة أحن صديقة لى ..
شيماء عاملة زييى ...منشرحة على طول بس لما بتقفل بتقفل ..
بحب أخواتى اللى فى الكلية قوى ..
بصفة خاصة ..
هاجر وسمية وسمية 2 وأسماء وايمان ومحدش يعد ورايا ..
بحب شيخ الاسلام ابن تيمية ...قوى ..قوى ..مفيش علامة انفينيتى عشان أحطها ..
بحب الامام الشافعى جدا ...مذهبى بقى ..
بحب الامام النووى جدا ...مرة محمد أخويا قاللى هبلغ عنك انت والنووى بتاعك ..
بحب صلاح الدين جدا ..والعز بن عبد السلام ...واو
بحب الامام البنا قوى ..
بحب الشيخ عبد الله عزام ..
بحب الأستاذ مصطفى مشهور ..جدا جدا جدا
بحب الشيخ ابن عثيمين خالص ..
آه نسيت ..رغم أنف الحاقدين بحب الامام محمد بن عبد الوهاب ..جدا جدا واللى مش عاجبه عادى هعملله ايه يعنى ؟؟
بحب أبلة مشاعل الشعلان جدا ..دى كانت بتدرسنى فى السعودية ..
أبلة عفاف الجهيمى ..أبلة الجوهرة الرويشد .. أبلة سهام الأسمرى ..
آه وأبلة هدى الفوزان كمان ..
بحب منار ..شهيدة ..جدا
بحب الشيخ الشريم قوى ...ناس فوق ..
بحب الشيخ صالح آل طالب ..هقول الديباجة اللى احنا بنقولها قبل اسمه ..فضيلة الشيخ العلم العلامة الحبر البحر الفهامة الذى لم تر عيناى مثله ابن تيمية عصره وقطب زمانه حبر الأمة وترجمان الأئمة ...صالح آل طالب ..هو امام وخطيب فى الحرم المكى
بحب الشيخ عبد المحسن القاسم ..وعبد الملك القاسم ..ومحمد القاسم ..وعبد الرحمن بن قاسم ..العيلة كلها دفعة واحدة ..
تخيلو سبحان الله دول واحد على عشرة من الناس اللى بحبها ...لأ الواحد كويس الحمد لله ..
ايدى تعبت ..استنوا الليسته الجاية بتاعة الحاجات اللى بحبها ..
آه من حق الصورة اللى فوق دى صورة سيودى ..سيد يعنى محدش يعترض ..ابن أختى ايمان ..
عسل ونعم العيال ..مش أنا خالته ..
دعواتكم قوى ليا اليومين دول ...آه نسيت أنا بحب خالد مشعل ومحمود الزهار واسماعيل هنية ومشير المصرى ..
يلا انبسطوا رمضان شهر الحب ..






هناك 7 تعليقات:

شهيدة يقول...

اكيد الحاله مستعصيه عشان الموضوع يوصل انك تجيبي السابقين واللاحقين بالطريقه دي

بعدين طالما عزماني اني اقرأ البوست المفروض تحطي شويه كلمات نفاق يعني ميصحش اعدي الاقي كلمة " جدا " بس يعني .. دا كان عيش وملح بنكهة النيل العظيم

المهم انك مجبتيش سيره صاحب دوواين الخريف
دكتور عبد الرحمن المقرن

Aml Ghonaim يقول...

ايه يا لولو كل ده ؟!
تقوليلي أنا حاطة صورة سيودي في المدونة يطلع كل ده مرة واحدة !
الله المستعان !
أنا عارفة إني (واااو) طبعا بس على فكرة يا الاء انت نسيت أهم شخص في حياتنا (بابا) الله يجمعنا بيه في الجنة .
ونسيت ناس كتير على فكرة .. بس أنا مقدرة الموقف
سماحة السيد الشيرازي على سبيل المثال .
عندي فكرة ممكن في تدوينة قادمة تذكري سبب واحد لأنك تحبي كل اللي ذكرتيهم دول .
على هامش :
١‏_‏ انتهيت لتوي من سماع أثر الحركة الاسلامية .. هذا الرجل يحمل فكرا رقراقا بطريقة لا تتخيل المحاضرة رائعة .
٢‏_‏ مش لاقية غير الصورة دي لسيودي ؟ لما أرجع حطي صورة من على موبايلك أحسن .
٣‏_‏ وحشتوني . دعواتكم

يقين النصر يقول...

الحبيبة شهيدة ...
الحالة مستعصية ..مش قوى مفيش حاجة صعبة على ربنا ..
يا ستى أنا مقدرش أنافق ..والحقيقة دا ماكانش عيش وملح ..دا كان بسكوت بالملح ..اللى لقيتوه انتى وأمل فى الوكالة ..
أنا مجبتش سيرة لمحمد المقرن والله نسيت ..
على فكرة الناس اللى أنا ذكرتهم دول مش بالترتيب ..
يعنى ممكن أكون بحب حد أكتر من اللى قبله ..

يقين النصر يقول...

الغالية جدا أمولة ..
عادى يا عسل خير الكلام ما قل ودل ..
أنا منسيتش بابا والله بس أناكنت هتشل ساعتها وسيرة بابا كانت هتضايقنى أكثر مما تسرنى ..
طبعا مانسيتش سماحة السيد الشيرازى والسيد المدرسى كمان بس خفت شهيدة تقول على انى تشيعت رسمى ..هاكتبهم المرة الجاية ..
على الهامش ...طبعا يا ماما مش عزام ..حاجة فلة خالص ..
وانتى كمان وحشتينى قوى ..ترجعى بالسلامة يارب ..

غير معرف يقول...

انت مين ؟؟
اسمك ايه؟؟

مـي يقول...

مرحبا

واللهي فكره حلوة أوي لما بنكون مكتئبين بنفتكر اشخاص عزيزين علينا أوي :)

بس حبيت اسألك ياحلوة هو الابله (الجوهرة الرويشد) درستك في أي مرحله ؟؟

ولما أشوف الجواب بتاعك حئولك ليه انا بسأل ؛)


فتك بعافيه

(ويارب أكون عرفت أتكلم مصري متل حضرتك دنا بحبكو أووووي )

<- سعوديه

يقين النصر يقول...

أستاذه جوهرة الرويشد درستنى فى المتوسطة الحادية عشرة فى الرياض ..مادة العلوم ..
أنرتى ..