الجمعة، 27 مارس 2009

جلسة 2020 ...ياما هنشوف ..(1)

الفكرة تخيلية الى حد ما ..
مجموعة من الاخوة والأخوات !!!!!!!! يجلسون فى حلقة فى جانب من أحد الجامعات ..
لماذا نتعجب ..تحدث الآن ..لكن لم تصل الى حد الجلسة والعياذ بالله ..
الأخ سمسم ..مسئوول الجلسة يبدأ ببسم الله الرحمن الرحيم ...
تعريف بس بالجماعة دول ..
محسن ابراهيم ..سمسم يعنى ..طالب فى رابعه طب ..أبوه واحد من الاصلاحيين الكبار الذين أثرو فى مسار الجماعه نحو مزيد من الانفتاح ..
محسن سووووووووكوووووووووول الحقيقة ..دلعه بين الجلسة سمسم..حافظ جزئين من القرآن ..على قده يعنى ..بيصلى الفجر أحيانا ..
لكنه سياسى محنك وهذا كافى وأكثر من كافى !!!!!!!
ميشو ..شهيد عبد الرحمن .. شرح الأخ السابق ..يكاد أن يكون توأم له فى كل شئ ..
بس شهيد كووووووول زيادة شوية ..
كريم رضوان ..اسمه مدلع نفسه ..كريم بقى فى صيدلة ..روش حبتين ...مجنون الزمن الجميل ..فيروز ومنير بقى ..ذوقه عالى هنقول ايه ..
دايما ينظم حفلات لمطربيه المفضلين ..ولا ينسى احتساب أجر الفرح والمرح !!!!!!!!
عماد الشرقاوى ...اخوانه من خارج الجلسة يسمونه عماد عقل ..داخل الجلسة هو عماد الخنيق ..فى هندسة ..يدرس علوم شرعية أيضا ..
يحفظ القرآن كاملا ..دين الى أبعد حد ..ورع ..عفيف ..أكبر من سنه بمراحل عدة ..باختصار ..أخ كما أرادهم البنا ..
البنات بقى ..
شيلى ..عائشة على ..
يادوب كده اسبانيش ..حاجة شيك بقى ..مابتطيقش حاجة اسمها تشدد ..باباها كان فرى خالص معاها ..
الجلسة دى اول جلسة ليها بعد الحجاب ..
أقصد الاسبانيش ..قرآن نفس شرح سمسم وميشو وكريم ..بس هى أخت ..محسوبة أخت ..
لوليتا ..ليلى عمار ..
هى يا جماعة مش محجبة وذلك نظرا لقناعتها الشخصية بأن دى مرحلة وهتيجى ...اصلح نفسك وادع غيرك ..
دلوعة خالص ..وصديقها الروح بالروح كريم ....أخوة فى الله محدش يفهم غلط ..
أخيرا مريم ..
بلسم للدنيا هى ..أخت عماد ..مختمرة ..خمار المترين وربع يا جماعة مش المترين بتاعنا ..
نفس شخصية عماد ..الا أنها أكثر كياسة وفطنة ..صبورة جدا ..
تحملت هذه الجلسة على مضض ..
..
سمسم بدأ بسم الله الرحمن الرحيم ..
ياجماعة القرآن بياخد وقت مننا عشان كده مش هنقرأ النهاردة ..وميشو جابلنا شوية خواطر مطبوعة ..اختصار وقت يعنى ..
عماد ..
يامحسن ..احنا مش هنقرأ ولا ايه ؟؟
اشلة المتبقية ..
أيوه بياخد وقت فى ايه ياعماد ..
وبعدين معاك ؟؟
مريم ..أنا أصر على القراءة يا أخ محسن ..
محسن :خلاص ياعماد ..اقرا سورة الاخلاص ..
عماد يقرأ القرآن ..
مريم ..أخ محسن ..ممكن نعدل المعاد عشان فى عندى حفظ قرآن فى اليوم ده ..
نخليه الخميس أحسن ..






البقية عندما اتمكن من الاكمال باذنه تعالى ..بس تفتكروا محسن هيوافق ..أشك ..



هناك 8 تعليقات:

عصفور المدينة يقول...

:D
أضحك الله سنك
نعوذ بالله أن يكون مآل الأمور لذلك وأن يحفظ دينه

فلولا كان من القرون من قبلكم أولوا بقية ينهون عن الفساد في الأرض إلا قليلا ممن أنجينا منهم

Ahmed Al khashab يقول...

المشكلة يا بشمهندس أن القصة دية مش تهريج
بل أنها بالفعل قد تحدث لو بقى الإنحدار بين شباب الإخوة بهذا الشكل الذى يحدث الأن
يا بشمهندس نحن نرى ما لا يمكن تخيله أن يحدث وسط أناس ملتزمين

Ahmed Al khashab يقول...

أريد أن أشكر الأخت يقين
لقد عبرت عما يدور بداخلى
لقد كنت سأبدأ أشك هل أنا المتشدد أم ماذا !!!

يقين النصر يقول...

أستاذى الجليل ..
عياذا بالله من ذلك ..لكنها انذار بالخطر القادم لو استمر حالنا كذلك ..
أعنى الاسلاميين بكل وليس الاخوان فحسب ..
اللهم احفظنا ..
المدونة أنارت بتعليقكم أستاذى ..

يقين النصر يقول...

الأخ خشاب ..
هذه عينات قليلة ..لكن المفارقة أن صوتها أعلى من الأصوات السائدة ..الملتزمة ..
والتحدى الذى نواجهه هو اظهار النموذج الملتزم كنموذج موجود ولله الحمد ..

Aml Ghonaim يقول...

معقوووول !!!
ممكن برضه !!!
لكن أحسها صعبة جداااا على التخيل !!
ولو أن الوضع دلوقتي ينذر بكده ..
لكن وقتها - لو حصل اللي انتي كاتباه ده - مش هيكونو دول الاسلاميين ..
الاسلاميين هيكونوا ناس تانية غير السياسييت دووول ...
اللهم استعملنا ولا تستبدلنا ...
لازال أسلوبك يمتعني جدااا
استمري .. بورك قلمك ...

belal يقول...

ممكن نقول كدا على سبيل التحذير ..بس مش نعتقد كدا لأن الله يغرس لهذا الدين بكلتا يديه
وزي ما قالت دكتورة أمل ..كدا مش هيكونوا اسلاميين

يقين النصر يقول...

ابلة أمل ..
الأخ بلال ..
صبرا جميلا ان شاء الله ..المشكلة ان هذا ماكنت أفكر فيه ..
جزاكم الله خيرا ..