صور ,,تدوينة عن الهدايا ..

كنت أعبث فى أشيائى ..ووجدت غالب الهدايا التى أحتفظ بها الى الآن ..

تتفرجو معايا ..

دى هدية من استاذة الجغرافيا وانا فى أولى ثانوى ..يومها كرمتنى لوحدى فى الطابور الصباحى ..نظرا ل...نشاطى الاجتماعى ..مش الدراسى..

..

ودى بقى مجموعة هدايا ..

المركب من أبلة التاريخ ..نظرا لتفوقى الملحوظ !!!

القلب الأسود من أبلة الجغرافيا السالفة الذكر ..ربنا يكرمها بقى ..

السلة الفنى دى ..والله ما انا فاكرة ..تقريبا هدية عيد ..

الفنجال الأخضر ..أكيد توقعتوا ..تفوق ملحوظ ..فى النشاط الاجتماعى ..

البراويز ..من حبيبة غالية جدا ..اسمها أمل ..أكرمها ربى أينما كانت ..

على فكرة واحد منهم مكتوب عليه كفارة المجلس ..

ودى بقى هدية ..رقيقة شوية ..تعرضت لعنف أطفال من الدرجة الأولى ..بانتزاع فتيل الشمعة ..

الهدية دى من ..شهيدة ..

مش عايزة أقول بمناسبة ايه ..بس أنا فاكرة انها كانت مناسبة ما تشرفش ..

الهدية الأخيرة ..هدية من الأخوات فى الكلية ..مكافئة نهاية خدمة بعيد عنكو ...عن السنة اللى فاتت .

وهدية امتياز برضه ..

خلصت الهدايا ..اللى صورتها طبعا ..فى حاجات تانية عايناها فى أماكن سحيقة لا تصل لها يدى تحديدا ..

_________________

نظرا لما أنا فيه من ملل وكآبة بعيد عنكم جميعا ..كنت برسم ..والرسم عندى حالة من التفريغ ..تفريغ الضغط عموما .

دمتم بود ..أحبكم فى الله ..