الأحد، 29 مارس 2009

جلسة 2020 ...ياما هنشوف ..(2)

اكمالا لما سبق ..
رد محسن ببشاشة معهودة !!!!!!!!
نعممممممممممممممم الخميس ...دا معادنا بتاع السينما ..حقنا ..لايمكن نفرط فيه أبدا ..
يا أخت مريم أقلمى ظروفك على وضعنا ..السينما معاد مقدس ..
مريم وهى تكتم غيظها ..
الله يعزك لازم الخميس ..
محسن :الساعة أربعه معاد مناسب ..
مريم وعماد فى نفس الوقت ..
الله يعزك بنبقى صايمين ..
ميشو ببرود ..اشمعنى الخميس ..صوموالسبت ..
عماد ..
انت جاهل ولا حاجة ...سبت ايه انت شايفنى لابس طاقية يهود قدامك ..
أعوذ بالله ..
ميشو ..بتقول أعوذ بالله من اخوانك ..بقى انت كده أخ محترم ..
عماد ..ان كان عاجبك ..وبعدين بقول أعوذ بالله من الشيطان مش منك يا شهيد ..
شيلى بدلع ..
والله انت ظريف يا عماد بس ما بتبينش ظرفك قدام اخوانك ..
عماد رماها بنظرة من عينة ..والنبى ؟؟؟؟؟؟؟؟ طب اتكتمى ربنا يكتمك ..
مريم بهدوء ..قلت ايه يا أستاذ محسن ؟؟
محسن : قلت مش هينفع ..
مريم ..طب خلاص ..احتمال معرفش آجى تانى ..
كريم ..يعنى مش نعرف نقابلك تانى ..هتوحشينا يا شيخه ..
عماد بضيق : توحشك الجنة يا كريم ..
بدأو بالمنهج ...

خارج السرب
حد لسه متوقع ان الجماعه دول بياخدو منهج من أصله ؟؟
المنهج كتاب مسائل الدعوة عالسريع ...هو كتيب من عشر صفح ..كتير برضه عليهم ..
لوليتا ..يا محسن المنهج صعب ممكن تبسطه شوية ..
محسن ..
الهدف من دعوتنا هو كالتالى ..
اقامة الدولة المدنية ..
تعزيز حقوق المواتنة ...معلش اصل الطاء نطقها صعب على سمسم ..
ميشو :
على فكرة فى دراسة للكاتب حنا مينا فى الموضوع ده ..ممكن نستفيد منها ..
عماد ..وكمان هنستعين بنصارى فى الشرح ..دا ايه الدنيا دى ؟؟
ميشو بعنف غريب ..انت قصدك كده على مايكل صحبى الروح بالروح أنا مسمحلكش ..
....ياترى رد محسن على مايحدث ايه ؟؟
المرة الجاية والأخيرة باذن الله ..


هناك 6 تعليقات:

حسبى ربى يقول...

أختى الفاضلة
شيخنا احمد ياسين تنبأ قبل استشهاده بأن اسرائيل ستزول عام ٢٠٢٠ ...!!!
‏*‏****
أرجوكى اختى
لتكن هذه الحلقة هى الاخيرة
رجاء...
دمتى بخير

محمد يقول...

من أين جئت بهذه الفكرة عن شباب الدعوة ؟؟

شهيدة يقول...

لا اله الا الله

إنا لله وانا اليه راجعون

كل عبارات العزاء ليا فيكي

برضو كتبتيها !!!

انا ضغطي ارتفع من جزء واحد .. ارتفع فعلا يعني

المفروض تدفعي بنا بايجابيه القلم نحو ايجابيه المعنى

مش بسلبيه القلم نحو ايجابيه المعنى

حبه تفاؤل لله يا الاء

احنا بندفع بشق الانفس للامام وانتي تتركي هذه الصوره في العقول ..

يقين النصر يقول...

أخى حسبى ربى .
ان شاء الله الأخيرة ..جزاكم الله خيرا ..

يقين النصر يقول...

أخى الكريم وضاح ..
هى فكرة تخيلية ناتجة عن بدايات موجودة الآن ان لم تتدارك الله أعلم ماسيكون مصير هذه الدعوة الربانية ..

يقين النصر يقول...

شهيدة ..
القادم أجمل باذن الله ..